Malema se aansoek om appèl nog nie bevestig
2011-11-24 23:00
Kaapstad – Nie die ANC óf die ANC-jeugliga wou amptelik
bevestig of die vyf jeugleiers teen hul skorsing geappelleer het nie.
“Ons praat nie met die media oor die proses
nie,” het ‘n woordvoerder van die ANC-jeugliga, Floyd Shivambu, gesê.
“Ons sal slegs met die media daaroor praat as
die proses voltooi is,” het hy gesê.
Vroeër die aand het Julius Malema ‘n lesing in
Bloemfontein gegee waartydens hy die leiers van die regerende party gekritiseer
het, maar versuim het om te sê of hy teen sy skorsing geappelleer het.
“Ons gaan geskors word. Ons gee nie om
nie. Ons is nie van plan om verraaiers
te word nie,” het hy wel tydens die lesing gesê.
ANC-woordvoerder, Keith Khoza, kon nie media-berigte
dat ‘n aansoek om appèl ingehandig is bevestig
nie.
Die sekretaris van die ANC-jeugliga in die
Vrystaat het egter gesê hy is onder die indruk dat sy nasionale leiers teen hul
skorsing geappelleer het.
Indien Julius Malema en die vyf ander
ANC-jeugliga leiers nie teen middernag ‘n aansoek om appèl inhandig nie, bly
hulle geskors.
Volg Nuus24 op Twitter.
- SAPA