Malema se ANC-ledegeld glo nie betaal
2012-01-30 10:00
Johannesburg – Julius Malema, geskorste president van die ANC-jeugliga, het sedert 2009 nie sy ANC-ledegeld betaal nie, het ‘n berig Maandag gelui.
Malema – wat weens uitlatings oor die regerende party se leierskap vyf jaar lank uit dié party geskors is – het sy R12 jaarlikse ledegeld laas in Julie 2009 betaal, het The Times berig.
Indien ‘n lid nie sy ledegeld betaal nie mag hy nie deelneem aan aktiwiteite in die party nie.
Malema het Sondag aan The Times gesê dit is vir hom nuus dat sy lidmaatskap nie hernu is nie.
Malema is tans besig om te appèlleer teen sy skorsing as leier van die jeugliga.
‘n Woordvoerder van die jeugliga was nie onmiddellik beskikbaar vir kommentaar nie.
– Volg Nuus24 op Twitter
- SAPA