'Malema sál onskuldig bevind word'

2012-09-27 09:16

Johannesburg – Cassel Mathale, premier van Limpopo, hou vol dat die aanklag van geldwassery teen Julius Malema mettertyd as vals bevind sal word, het die SABC berig.

“Ons is... bly oor ons vriend wat [in die hof] verskyn het en ‘n aanklag waarop hy mettertyd vrygespreek sal word, gekry het,” het hy gesê.

Mathale het Woensdagaand by ‘n fondsinsameling sy steun aan die geskorste leier van die ANC se jeugliga (ANCYL) toegespreek.

Malema is Woensdag op borgtog van R10 000 vrygelaat nadat hy in die Polokwane-streekhof amptelik van geldwassery aangekla is.

Die omstrede politikus het buite die hof sy onskuld aan sy ondersteuners verkondig. Hy meen die aanklag is ‘n “polities gemotiveerde” plan om hom stil te maak.

Volg Nuus24 op Twitter   

- SAPA