Malema, sakevennote verskyn in die hof

2012-11-30 07:05

Johannesburg – Julius Malema, voormalige leier van die ANC-jeugliga, en sy vier sakevennote verskyn Vrydag in die Polokwane-landdroshof op aanklagte van bedrog en geldwassery.

Luidens hofdokumente word Malema daarvan beskuldig dat hy meer as R4 miljoen uit korrupte aktiwiteite verdien het. Borgtog van R10 000 is aan hom toegestaan.

Sy sakevennote Kagisho Dichabe, Lesiba Gwangwa, Helen Moreroa en Makgetsi Manthata is op 25 September elk op borgtog van R40 000 vrygelaat.

Al vier het hul onskuld op aanklagte, insluitend bedrog, korrupsie en geldwassery verklaar.

Luidens die klagstaat het die beskuldigdes hulself aan die departement van paaie en vervoer in Limpopo wanvoorgestel om sodoende ’n kontrak van R52?miljoen te beding. Daarvan is R43?miljoen aan die maatskappy On Point Engineering betaal.

Malema se Ratanang-familietrust was 'n indirekte aandeelhouer in On-Point.

Malema het volgens die klagstaat voordeel getrek uit die betaling en die geld gebruik om 'n plaas van R3,9 miljoen en 'n Mercedes-Benz van R382 655 te koop.
     
– Volg Nuus24 op Twitter

- SAPA