Malema-saak: Lys van name bekend
2010-06-09 15:52
Kaapstad - Die elf ander respondente in die boer van Rustenburg se saak teen die ANC Jeugliga-leier, Julius Malema, is bekend gemaak.
Die boer se regsverteenwoordiger, Fanie van der Walt, het bevestig dat beëdigde verklarings dié week by die Internasionale strafhof in Den Haag ingedien is.
Die elf ANC-lede sluit in, volgens 'n berig op RSG-radio, President Jacob Zuma, die minister van polisie Nathi Mthethwa, die hoof van die polisie Bheki Cele, die voormalige nasionale polisiekommissaris Jackie Selebi, die minister van landbou, bosbou en vissery Tina Joemat Peterson, die minister van verdediging en militêre veterane Lindiwe Sisulu, die minister van intelligensie Siyabonga Cwele, die voormalige minister van intelligensie Ronnie Kasrils, die sekretaris-generaal van die ANC Gwede Mantashe, die minister van landelike ontwikkeling en grondsake Gugile Nkwinti en Pali Lehohla.
Hulle staan tereg op aanklagte van volksmoord en misdade teen die mensdom. Die aanklagte hou verband met die sing van vryheidsliedere.
- Die Burger