Malema nié my politieke bondgenoot – Mbalula
2012-09-30 10:43
Video - Mbalula vra debat oor leierskap
Die ANC se Fikile Mbalula het gesê daar behoort 'n oop debat te wees oor verandering in die regerende party se leierskapstruktuur.
KYK
Johannesburg – Fikile Mbalula, die minister van sport, het ontken dat Julius Malema, die geskorste leier van die ANC-jeugliga, sy politieke bondgenoot is, berig die Sunday Times.
“Ons teenstanders wil hê mense moet dink ons is gemaak deur Malema en sonder Malema is ons polities gedoem,” het hy gesê.
Hy is bewus daarvan dat die jeugliga onder Malema se leierskap ‘n beroep gedoen het dat Mbalula sekretaris-generaal moet word.
Mbalula sê dat alhoewel hy pres. Jacob Zuma by die laaste ANC-konferensie in Polokwane ondersteun het, het hy nie ‘n “Zuma-seun” geword nie.
“Ek het die jeugliga gelei wat gesê het Zuma moet president word, maar ek het nooit ‘n Zuma-seun geword nie. Hoekom moet Julius vandag my seun wees? Ek dink dit is net skrootwerf-mentaliteit.”
Hy wou nie sê of hy beplan om vir die posisie van sekretaris-generaal te staan nie.
Hy het ANC-leiers veroordeel wat diegene aanval wat wil hê Zuma moet verwyder word, maar nie aksie neem teen die president se ondersteuners nie.
– Volg Nuus24 op Twitter
- SAPA
