Malema kap joernaliste
2010-03-21 14:08
Johannesburg – Die leier van die ANC-jeugliga, Julius Malema, het gesê hy sal die toelaat dat die land “deur joernaliste regeer word” nie, het City Press Sondag berig.
“As ‘n mens nie versigtig is vir joernaliste nie, sal hulle die regering tot ‘n val bring. Ons sal nooi toelaat dat hierdie land deur joernaliste regeer word nie,” het hy Saterdag by ‘n menseregte-saamtrek in Bushbuckridge, Mpumalanga, gesê.
Hy het weer sy kontroversiële “Skiet die Boer”-liedjie gesing en joernaliste daarvan beskuldig dat hulle onregverdig teenoor ANC-leiers en prominente swart politici optree.
Hy het gepraat nadat president Jacob Zuma Vrydag gesê het gerugte dat die regering op joernaliste spioeneer skep ‘n “totaal onaanvaarbare” scenario.
Nadat Zuma die Nuusmaker van die Jaar-toekenning by die Nasionale Persklub ontvang het, het Zuma gesê hy is bekommerd oor regeringsamptenare wat na bewering na die persoonlike bankrekeninge van ‘n City Press ondersoekende joernalis gekyk het.
- Sapa