Malema kan vra vir versagting
2012-02-04 23:00
Johannesburg – Julius Malema se status in die ANC sal waarskynlik vroeg aanstaande week duidelik word. Dit volg na sy appèl teen sy skuldigbevinding en skorsing uit die party misluk het, het RSG Saterdag berig.
Die ANC se nasionale appèlkomitee, onder voorsitterskap van Cyril Ramaphosa het Malema en sy kollegas se skorsing gehandhaaf.
Ramaphosa het egter beveel dat die nasionale tugkomitee, onder voorsitterskap van Derek Hanekom binne 14 dae vergader om betoë ter strafversagting aan te hoor.
'n ANC-woordvoerder, Keith Khoza het vroeër gesê Malema en Floyd Shivambu se skorsing is onmiddelik van krag.
Die party sê nou daar kan interne prosesse wees wat afgehandel moet word, hangend die betoë ter strafversagting.
Intussen het lede van die ANC jeugliga in Seshego in Limpopo, wat as 'n Malema-vesting beskou word, fees gevier ná die appèlkomitee se uitspraak.
Hulle het t-hemde met die voormalige jeugleier se gesig daarop aan die brand gesteek.
Volg Nuus24 op Twitter.
– RSG
- SAPA