'Malema, Zille is voëls van eenderse vere'

2012-08-26 18:49

Johannesburg – Daar is geen onderskeid tussen Julius Malema, geskorste leier van die ANC se jeugliga (ANCYL), en Helen Zille, leier van die DA en premier van die Wes-Kaap, nie, het Buti Manamela, sekretaris-generaal van die Jong Kommunisteliga (YCL), gesê.

“Daar is geen onderskeid tussen die twee nie; baie soos wat Floyd Shivambu (geskorste woordvoerder van die ANCYL) eintlik dieselfde as Lindiwe Mazibuko (parlementêre leier van die DA) is.”

Manamela het namens die YCL ‘n toespraak in Katlehong, Ekurhuleni, gelewer.

Hy het gesê die “sogenaamde” Friends of the ANCYL is eintlik net nog ‘n politieke party.

Die organisasie is “net so slegs soos die DA,” het hy gesê.

Volg Nuus24 op Twitter  

- SAPA