Malema: 'Ek wil graag wit huishulpe sien'
2012-01-06 22:53
Bloemfontein – Die regerende party se eeufeesvieringe het Vrydag afgeskop met ‘n gholfdag en besoeke aan die gemeenskap deur pres. Jacob Zuma.
Nietemin sou die omstrede voormalige leier van die ANC-jeugliga, Julius Malema, waarskynlik as nuusmaker van die dag wegstap.
Terwyl Zuma deur tot deur besoeke in Botshabelo in die Vrystaat afgelê het, het Malema ‘n “mini veldtog” in Thaba Nchu gehou.
Malema se ondersteuners het gespot met hul ANC-leier deur die “stort-liedjie” te sing, ‘n verwysing na Zuma se verkragting-verhoor in 2006 toe hy gestort het om te verhoed dat hy vigs kry.
Malema het ook gesê dat een van sy grootste drome is om wit huishulpe te sien.
Wittes beheer alles, van produksie, myne en banke tot arbeid, het hy gesê.
“Dit moet verander. Ons wil in die volgende tien jaar wit huishulpe sien,” het hy gesê en ‘n oorverdowende applous van inwoners wat in die Moroka Hoërskool se saal saamgekom het gekry.
Malema het vinnig bygevoeg dat die beroep vir “ekonomiese vryheid” nie gesien moet word as ‘n manier om wittes uit te sluit nie.
In Botshabelo het Zuma aan inwoners belowe dat lopende water in Maart in die informele nedersetting aangelê sal word.
– Volg Nuus24 op Twitter
- SAPA