Malema: 'Arresteer my'
2010-03-09 15:34
Johannesburg – Julius Malema, die president van die ANC-jeugliga, het gesê dat as enigiemand kan bewys dat hy iets verkeerd gedoen het, hulle hom in hegtenis kan neem.
“Ek is nie bo die wet nie. As ek enigiets oortree het, vra ek om in hegtenis geneem te word,” het hy Dinsdag aan studente by die Universiteit van Johannesburg gesê.
Malema het vorige verklarings herhaal waarin gesê is dat hy nog nooit van die armes gesteel het nie en dat hy R140 miljoen, wat glo in sy bankrekening is, aan die minderbevoorregtes sal gee.
“As ek R140 miljoen het, vat die geld en nasionaliseer dit,” het hy gesê in verwysing na sy oproep om die land se myne te nasionaliseer.
“Ek gee vir julle toestemming om alles anders wat julle in daardie rekening kan vind te neem en dit aan die armes te gee.”
Volgens Malema is die “aanval” teen die jeugliga nie ‘n gewone aanval nie.
Malema het ook gesê dat leefstyl-oudits nie ‘n konsep is wat deur Cosatu se sekretaris-generaal, Zwelinzima Vavi, uitgedink is nie.
Dit is ‘n beleid wat deur die Skerpioene uitgevoer was en tans deur die Suid-Afrikaanse Inkomstediens.
“Hoekom moet ons ‘n leefstyl-oudit deurmaak?”
“As jy ‘n slang wil doodmaak, slaan dit hard op die kop, dit is wat hulle met my wil doen.”
- Sapa