Maharaj dagvaar City Press
2011-12-10 16:44
Andrew Trench en Thanduxolo Jika, City Press
Johannesburg – Mac Maharaj, woordvoerder vir pres. Jacob Zuma, het Vrydag tesame met sy vrou, Zarina, 'n obskure oorblyfsel van apartheidwetgewing gebruik om 'n kriminele klag teen City Press en Media24 Ondersoeke te lê weens pogings om sy beweerde leuens aan staatsondersoekbeamptes bloot te lê.
Maharaj se regsverteenwoordiger, Rudi Krause, het aan Media24 Ondersoeke geskryf ná ons die paartjie vir kommentaar genader het om môre in City Press te publiseer.
Krause se brief het getoon dat City Press glo by die polisie gerapporteer is vir onder andere die oortreding van die Wet op Oproerige Byeenkomste van 1956.
Dié wet, waarvan 'n groot deel deur die ANC verander is, is oorspronklik ingestel om “die wette saam te bring wat verband hou met oproerige byeenkomste en 'n verbod op die aanwakkering van gevoelens van vyandigheid tussen Europese en nie-Europese inwoners van die Republiek”.
Krause het ook beweer City Press het die wet oortree deur materiaal van 'n hoflêer van Maharaj en sy vrou van 'n saak wat in 2007 verskyn het, te gebruik.
Hy het ook glo 'n kriminele klag gelê, maar wou in korrespondensie met City Press en Media24 Ondersoeke se regsverteenwoordiger, Willem de Klerk, nie eens basiese besonderhede oor die klag gee nie.
Maharaj het vroeër beweer hy is die slagoffer van 'n politieke komplot.
– Lees hier meer.
- SAPA