Madonsela ondersoek e-tolstelsel

2012-05-11 20:04

Johannesburg – Die Openbare Beskermer, Thuli Madonsela, het besluit om die omstrede Gautengse elektroniese tolstelsel te ondersoek, het haar kantoor Vrydag bekendgemaak.

Sy sal die bewerings dat maatskappye met politieke bande kan voordeel trek uit die e-tolkontrakte ondersoek. Van dié maatskappye sluit in Gijima-AST, waarvan 35% deur die miljardêr-sakeman Robert Gumede besit word.

Dít volg nadat die DA in die provinsie die toekenning van die invorderingskontrakte bevraagteken het.

Verlede week is berig dat Kapsch TrafficCom, 'n Sweedse maatskappy, ook 'n groot aandeel in die e-tolstelsel het. Dié maatskappy het bande met die wapenvervaardiger SAAB wat ook by die omstrede wapentransaksie betrek word.

Jack Bloom, DA-koukusleier in Gauteng, het dié besluit deur Madonsela Vrydagaand verwelkom.

"Ek hoop dit is die eerste stap in 'n wyer ondersoek oor al die kontrakte betrokke by die e-tolstelsel."

Madonsela het gesê die bevindings van die voorlopige verslag sal teen die einde van die maand vrygestel word.

– Volg Nuus24 op Twitter.

- SAPA