Madiba 'in goeie hande'

2012-12-10 12:20

Johannesburg – Daar is geen rede tot kommer oor oudpres. Nelson Mandela se gesondheid nie, het die presidensie gesê.

Mac Maharaj, presidensiële woordvoerder, sê daar is geen rede om paniekerig te raak nie.

“Hy is in die hande van ‘n goeie mediese span.”

Maharaj sê die publiek sal van die ikoniese leier se gesondheid in kennis gestel word wanneer die presidensie meer weet.

Mandela (94) is twee dae gelede vir “mediese aandag” in ‘n hospitaal in Pretoria opgeneem.

Pres. Jacob Zuma het die oudpresident besoek en gesê hy is “gemaklik” en word goed versorg.

Volg Nuus24 op Twitter 

- SAPA