Mac Maharaj muilband Mail & Guardian
2011-11-18 08:08
Johannesburg – Die Mail & Guardian is gedwing om gedeeltes van 'n ondersoekende berig uit te sny nadat hy deur Mac Maharaj, presidensiële woordvoerder, se prokureurs met kriminele vervolging gedreig is.
Dié berig sou in Vrydag se uitgawe verskyn.
Nic Dawes, redakteur van Mail & Guardian, het gesê die koerant sou inligting van 'n onderhoud van ingevolge artikel 28 van die Wet op die Nasionale Vervolgingsgesag met Maharaj gevoer is, publiseer.
Dawes het Donderdagaand in 'n TV-onderhoud gesê: "Dit is baie duidelik dat Mac Maharaj vir die Skerpioene gejok het".
Die koerant sal Menzi Simelane, nasionale direkteur van openbare volging, versoek om die publikasie van die materiaal in volgende week se uitgawe toe te laat. Indien dié versoek afgekeur word, sal die "slegte wette" in die hof getoets word, het Dawes gesê.
Die brief van Maharaj se prokureur het na die Britse-poniekoerant News of the World verwys en die gevolge van "die gebruik van inligting wat onwettig bekom is", benadruk.
Dawes hou egter voet by stuk die koerant het nie 'n oortreding begaan nie.
"Ons glo dat ons elke reg het om die inligting te publiseer. Dit opper ernstige vrae oor die gedrag van 'n man wat namens die president praat."
Maharaj het in 'n verklaring gesê die koerant het die dokumente op 'n onwettige wyse bekom.
– Lees meer hier
– Volg Nuus24 op Twitter