Maatskappy onttrek Zuma-advertensie
2012-11-28 14:09
Johannesburg – Taste Holdings, wat The Fish and Chip Company besit, het Woensdag aangekondig dat hy vrywillig sy advertensie oor pres. Jacob Zuma gaan onttrek, berig Eyewitness News.
Die SABC het twee uur voor die advertensie uitgesaai sou word, verbied dat dit uitgesaai word.
Die advertensie is 'n parodie van die Nkandla-sage en wys hoe Zuma, sy vroue en kinders aandete geniet.
In dié advertensie sê Zuma die minister van finansies, Pravin Gordhan, sal beïndruk wees met sy besparingstrategie.
"Ons het geen klagtes ontvang nie, maar ons het besluit om dit te onttrek. Die bedoeling was nie regtig om omstredenheid te veroorsaak nie."
Kaizer Kganyago, woordvoerder van die SABC, het Dinsdag gesê hulle is nie genoeg tyd gegee om die advertensie goed te keur nie.
– Lees meer hier
– Volg Nuus24 op Twitter
