Ma voor dogter doodgeskiet
2010-03-08 11:00
Johannesburg – ‘n 58-jarige vrou is voor haar 14-jarige dogter in Lujecweni in Tsolo doodgeskiet, het polisie in die Oos-Kaap Maandag gesê.
Die vrou was Sondagaand rondom 21:30 by die huis toe ‘n onbekende man die deur oopgeskop en begin skiet het, het supt. Mzukisi Fatyela gesê.
“Hy het niks gesê voordat hy die skote gevuur het nie en ná dit het hy gevlug van die toneel,” het Fatyela gesê.
Volgens Fatyela het die polisie nie geweet wat die motief was nie. Hulle het patrone van ‘n 9mm-pistool op die toneel gevind.
Die meisie is nie beseer nie.
Die polisie is besig om ‘n saak van moord te ondersoek en niemand is nog in hegtenis geneem nie,
- Sapa