Ma vergiftig seuns, pleeg selfmoord

2013-02-25 15:37

Johannesburg – 'n Vrou van Fourways, noord van Johannesburg, het na bewering haar twee seuns vergiftig voor sy selfmoord gepleeg het, berig Eyewitness News.

Beamptes is Sondag na die toneel ontbied en het verskeie selfmoordbriewe in die huis gevind.

Die seuns was 12 en 17 jaar oud, terwyl die vrou in haar 40's was.

Balan Muthan, polisiewoordvoerder, het gesê die kinders se ouers was vermoedelik geskei.

"Toe ons patrollievoertuie opdaag, was die pa op die toneel. Volgens inwoners het hy een van die seuns gaan oplaai en toe hy daar kom, het hy op die lyke van die ma en die twee seuns afgekom."

Muthan het gesê toksikologie-toetse sal gedoen word.

Geen gemene spel word vermoed nie.
      
– Volg Nuus24 op Twitter

- SAPA