Ma vas ná twee kinders dood gevind is
2011-10-28 22:03
Johannesburg – ‘n Vrou word van kinderverwaarlosing aangekla
nadat twee van haan kinders dood langs die pad naby Lichtenburg gevind is.
Die 27-jarige ma het haar vier kinders as
vermis by die polsie aangegee, het brigadier Thulane Ngubane gesê.
Twee van hulle is Donderdag dood gevind. Die polisie soek nog na die ander twee.
Volgens Ngubane het die vrou haar vier kinders,
wat twee, ses, sewe en nege jaar oud is, by haar huis in Verdwaal gelos om by
haar ma in Bethlehem te gaan kuier.
Toe die vrou terugkom, was al vier haar
kinders weg.
Die tweejarige Onkarabile en die sesjarige
Nkune het vermoedelik weens honger en dehidrasie gesterf.
Die polisie vermoed dat hulle by hul ouma se
huis wou uitkom.
Die ma, wat swanger is, sal binnekort in die
hof verskyn.
Volg Nuus24 op Twitter.
- SAPA