Ma vas ná sy glo kind vergiftig
2011-05-25 14:42
Johannesburg – 'n 27-jarige vrou van Ga-Rankuwa is in hegtenis geneem nadat sy glo haar eenjarige kind vergiftig het, het die polisie Woensdag gesê.
Kapt. Solly Marindi het gesê die vrou is Dinsdag in hegtenis geneem nadat sy haar kind rottegif laat eet het.
"Die 65-jarige ouma sê die vrou het altyd gedreig dat sy haarself en haar kinders gaan doodmaak."
Die kind het verlede Woensdag siek geword, waarna haar ma haar hospitaal toe geneem het.
Die ouma het aan die polisie gesê sy dink die ma het die kind Blue Death-gif gevoer, omdat sy die houer en spore van die gif in die huis gevind het.
Die polisie ondersoek 'n saak van ondermeer kinderverwaarlosing.
Die kind was Woensdag steeds in die hospitaal.
Die ma verskyn binnekort in die hof.
Volg Nuus24 op Twitter
- SAPA