Ma, stiefpa vas vir verkragting
2012-01-30 21:57
Bloemfontein – Die ma en stiefpa van ‘n meisie in Qwaqwa is Maandag in hegtenis geneem nadat hulle haar na bewering die afgelope agt jaar seksueel mishandel het, het die polisie Maandag gesê.
Sers. Mmako Mophiring, woordvoerder, het gesê die ma het blykbaar geweet die stiefpa verkrag die meisie, maar sy het niks daaraan gedoen nie.
Die misdade is tussen 2003 en 2011 gepleeg. Dit het begin toe die meisie vyf jaar oud was.
Die 51-jarige man sou by die meisie se kamer insluip wanneer haar ma reeds geslaap het.
Volgens Mophiring het die meisie haar ma van die gebeure vertel. Alhoewel sy aan die meisie gesê het sy sal die probleem hanteer, het sy nooit nie. Die meisie het mettertyd die bure vertel en hulle het die polisie in kennis gestel.
Hulle sal Woensdag in die Phuthaditjhaba-landdroshof verskyn op aanklagte van verkragting.
- Volg Nuus24 op Twitter
- SAPA