Ma, seun verkool in brand

2012-12-27 12:18

Johannesburg – 'n 37-jarige vrou en haar vyfjarige seun het Woensdag verkool in hul plakkershut in Oesterbaai, het die polisie in die Oos-Kaap gesê.

"Hulle was alleen toe die plakkershut begin brand. Die name kan nie bekend gemaak word tot hul naasbestaandes in kennis gestel is nie," het ao. Marianette Olivier, polisiewoordvoerder, gesê.

Geen verdere inligting is bekend gemaak nie.

– Volg Nuus24 op Twitter

- SAPA