Ma, seun sterf in ongeluk
2012-01-16 22:50
Johannesburg – ‘n Vrou en haar vierjarige seun het gesterf toe hul motor Maandag in die vroeë oggendure naby Mahikeng gerol het, het die departement van openbare veiligheid in Noordwes gesê.
Die bestuurder van die Toyota Corolla, waarin sy vrou en drie kinders ook was, het blykbaar probeer uitswaai vir diere op die R503 tussen Rooigrond en Danville kort ná middernag, het Lesiba Kgwele, woordvoerder, in ‘n verklaring gesê.
Die man het beheer oor die motor verloor en dit het omgeslaan. Die ma (34) en haar seun is uit die voertuig geslinger. Hulle is op die toneel dood.
Die 37-jarige man en die twee ander kinders, onderskeidelik een en 16 jaar oud, is na die Mahikeng-provinsiale hospitaal geneem met ernstige beserings.
- Volg Nuus24 op Twitter
- SAPA