Noordwes: Ma hang haar, 4 kinders dood

2012-12-03 11:24

Johannesburg – ‘n Vrou se lyk het aan ‘n boom gehang terwyl haar vier kinders se lyke in ‘n plakkershut in Skeerpoort gevind is, het die polisie in die Noordwes gesê.

Lt.kol. Sabata Mokgwabone sê die kinders se pa het op hul lyke afgekom. Die kinders was onderskeidelik drie maande, twee, sewe en tien jaar oud.

“Die vrou is sowat een kilometer van Schaumburg gevind... sy het aan ‘n boom gehang met ‘n rooi lap om haar nek.”

“Hulle [die kinders] het op die vloer geslaap in dieselfde kamer waar hul ma met die baba op die bed geslaap het,” het die polisiewoordvoerder gesê.

Die motief vir die voorval is nie bekend nie.

Intussen het die polisie in ‘n verklaring gesê ‘n moontlike moord/selfmoord word ondersoek.

Volg Nuus24 op Twitter

- SAPA