Lyk sonder liggaamsdele gevind
2010-08-05 18:16
Durban – ‘n Lyk sonder ‘n arm en been is in Verulam gevind, het die polisie in KwaZulu-Natal Donderdag gesê.
“Die lyk is in dieselfde gebied gevind waar ‘n tradisionele geneser in hegtenis geneem is. ‘n Arm en been is in sy huis gevind,” het kapt. Thulani Zwane gesê.
Die tradisionele geneser is Dinsdag in hegtenis geneem.
Zwane het gesê die lyk sonder ‘n regterarm en -been is Woensdag gevind.
“Die man wat dood is, is in die gemeenskap bekend as iemand wat aan ‘n verstandelike siekte ly. Sy lyk is langs sy huis gevind.”
Zwane het gesê die polisie vermoed dat die man vir sowat twee dae doof was.
Hy het gesê die tradisionele geneser is aangekla en sal na verwagting Vrydag in die Verulam-landdroshof verskyn.
‘n Moordsaak word ondersoek, maar niemand is nog in hegtenis geneem nie.
Volg Nuus24 op Twitter
- SAPA