Lyk sonder kop in Oranjerivier gevind

2013-01-04 16:37

Johannesburg – Die ontbindende lyk van 'n man is naby Aliwal-Noord in die Oranjerivier gevind, het die Vrystaatse polisie Vrydag gesê.

Konst. Werner van Tonder het gesê die lyk is Donderdag gevind.

"Die lyk is dié van 'n swart man tussen die ouderdom van 16 en 20. Die lyk is erg ontbind en het nie... 'n kop en deel van die bors nie, wat vermoedelik is weens blootstelling aan die weer."

Hy het gesê die man het 'n donker broek en stewels aangehad, maar geen hemp nie.

"Die man was vermoedelik 'n week lank dood voor hy gevind is, en hy kan dalk van die Sterkspruit-gebied wees."

Van Tonder het 'n beroep gedoen op enigiemand wat 'n vermiste persoon in die omgewing aangemeld het, of wat inligting het wat kan help om die man se identiteit vas te stel, om adj.off. Britz by 082 466 7265 of [phone] te skakel.

– Volg Nuus24 op Twitter.

- SAPA