Lyk in vlak graf gevind
2011-07-14 21:56
Johannesburg – ‘n Vrou se lyk is gevind waar dit in ‘n vlak graf in ‘n veld naby die Miriting-informele nedersetting in Lenasia-Suid begrawe is, het die polisie gesê.
Die lyk is gevind deur ‘n man wat verbygestap en die slegte reuk gevolg het. Dit het hom na die graf gelei, het ao. Kay Makhubele gesê.
“Toe hy daar gekom het, het hy ‘n been uit die graf sien steek. Die erg ontbinde lyk van ‘n vrou, met haar hande wat vasgemaak was, is toe opgegrawe.”
Die vrou, vermoedelik in haar 30’s, is nog nie uitgeken nie en niemand is nog in hegtenis geneem nie. Die polisie het ‘n ondersoek van stapel gestuur.
- Volg Nuus24 op Twitter
- SAPA