Lyk by Witsand gevind
2011-09-04 20:54
Johannesburg – ‘n Lyk, vermoedelik dié van ‘n hengelaar wat as vermis aangemeld is, is Sondag by Witsand in die Wes-Kaap gevind, het die Nasionale Seereddingsinstituut (NSRI) gesê.
Die 49-jarige man se vrou het hom as vermis aangemeld toe hy nie teruggekeer het ná ‘n nagtelike visvangekspedisie nie, het die NSRI se stasiebevelvoerder by Witsand, Attie Gunter, gesê.
Die NSRI is ingelig dat plaaslike vissermanne op ‘n lyk afgekom het by die mond van die Breederivier.
Die polisie het die lyk teruggevind, wat Maandag amptelik uitgeken sal word, het Gunter gesê.
Traumaberaders en die polisie het die vrou van die vermiste visserman besoek, aangesien die beskrywing van sy klere en voorkoms wat sy gegee het, dié van die lyk gepas het.
- Volg Nuus24 op Twitter
- SAPA