Lugmaglede se oorskotte aan families oorhandig

2012-12-19 12:02

Johannesburg – Die oorskotte van ses lugmaglede wat vroeër vandeesmaand in die Dakota-vliegongeluk in die Drakensberge gesterf het, sal Woensdag aan hul families oorhandig word.

Siphiwe Dlamini, woordvoerder van die weermag, het gesê 'n seremonie sal Woensdag by die Waterkloof-lugmagbasis in Pretoria hou word.

Sommige van die oorskotte sal by die Waterkloof-lugmagbasis oorhandig word en die res sal na Bloemspruit in die Vrystaat en Ysterplaat in die Wes-Kaap geneem word.

Die vliegtuig het op 5 Desember by die Waterkloof-lugmagbasis opgestyg en was onderweg na Mthatha in die Oos-Kaap. Die wrak van die vliegtuig is 'n dag later gevind.

'n Raad van ondersoek is aangestel om die oorsaak van die ongeluk te ondersoek.
      
– Volg Nuus24 op Twitter

- SAPA