Lugbesoedeling kos regering R4 miljard
2009-10-12 14:50
Lugbesoedeling kos die departement van gesondheid meer as R4 miljard, het die departement van omgewingsake gesê.
“Gesondheidskwale wat te doen het met die verbranding van fossielbrandstof kom neer op sowat R4 miljard in gesondheidsonkostes,” het Peter Lukey, hoof van die departement se luggehalte-afdeling, gesê.
Lukey het bygevoeg dat dit meestal arm gemeenskappe is wat daaronder ly.
“Hulle kry dubbel so swaar.”
Hy het bygevoeg dat arm gemeenskappe baie keer windaf van nywerheidsgebiede woon.
- Sapa