'Los Mbeki uit' - Malema
2009-11-17 02:45
Johannesburg – Die ANC jeugliga sal nie toelaat dat voormalige president Thabo Mbeki aangekla word van massamoord nie, het die jeugliga-president, Julius Malema, Maandag gesê.
Dit volg nadat Buti Manamela, die nasionale sekretaris van die Jong Kommuniste-liga, gesê het dat Mbeki en die voormalige minister van gesondheid, Manto Tshabalala-Msimang, verskeie MIV-positiewe mense toegang geweier tot antiretroviale middels terwyl hulle in die regering betrokke was.
Manamela het ‘n beroep gedoen dat die twee van hulle van massamoord aangekla moet word.
“Ons moet nooit ons leiers opgee nie,” het Malema Maandagaand by ‘n gala-ete van die Pan-Afrika-jeugliga by Emperor’s Palace in Boksburg gesê.
“Thabo Mbeki mag foute gemaak het, maar ons kan hom nooit aankla nie.”
“Ons moenie een van ons eie mense aankla nie. As ons dit toelaat, sal dieselfde ding met Mugabe gebeur en dieselfde sal met Zuma gebeur en as jy weer sien gaan hulle vir jou kom,” het Malema gesê.
- Sapa