Loononderhandelings duur voort
2011-07-14 17:52
Johannesburg – Loononderhandelings in die ingenieursektor sal Donderdagmiddag voortgaan, het die Federasie van Staal- en Ingenieursbedrywe (Seifsa) gesê.
'n Ooreenkoms is nog nie bereik nie, het Adelia Pimentel, woordvoerder, gesê.
"Die vergadering sal tussen 14:00 en 15:00 begin."
Castro Ngobese, woordvoerder van die National Union of Metalworkers of SA (Numsa), en Dirk Hermann, hoofsekretaris van Solidariteit, was nie onmiddellik beskikbaar vir kommentaar nie.
Solidariteit het Woensdag 'n salarisverhoging van 7% verwerp. Dié vakbond verteenwoordig sowat 27 000 in die metaal- en ingenieursektor.
Numsa het gesê niks konkreet het uit die samesprekings gekom nie.
Sowat 170 000 werkers van Numsa, die Metal and Electrical Workers Union en die SA Equity Workers Association het verlede week begin staak.
Dié werkers eis 'n salarisverhoging van tussen 10 en 13% en die afskaffing van arbeidsmakelaars.
Solidariteit en verskeie ander vakbonde van die chemiese, vervoer-, petroleum- en energiesektore het vandeesweek by die staking aangesluit.
– Volg Nuus24 op Twitter
- SAPA