Lolly se vrou, bestuurder in hof oor Teazers
2012-02-09 11:01
Johannesburg – Demi Jackson, vrou van die vermoorde Teazers-baas, Lolly Jackson, en ‘n Durbanse bestuurder stry in die hof oor die Teazers-handelsnaam, het ‘n koerant berig.
Volgens The Star beweer Shaun Russouw dat hy die Teazers-gebou in Durban besit. Russouw is een van die vier bestuurders wat verskeie Teazers-franchises in die land bestuur.
Hy het ook beweer dat hy die helfte van die Teazers-logo en die handelsnaam besit.
Me. Jackson en twee van haar kinders, Samantha and Manoli, het Russouw met ‘n dringende aansoek in die Durbanse hooggeregshof teengestaan.
Hulle wil die finansiële besonderhede van Teazers se Durbanse tak hê of dat die hof ‘n likwidateur vir die tak aanstel en hulle die helfte van die wins gee.
Daar word ook ‘n aansoek om 'n uitsettingsbevel vir Teazers in Durban gedoen.
Russouw beweer hy het ‘n ooreenkoms met mnr. Jackson gehad dat hy die 50% eienaar van die Teazers Comedy and Revue bar sal wees, maar dit is nooit amptelik gemaak nie.
Mnr. Jackson is in Mei 2010 doodgeskiet.
Volg Nuus24 op Twitter
- SAPA