Lisensiekantore in Jhb gesluit
2009-10-08 13:23
Johannesburg – Lisensiekantore en toetssentrums in Johannesburg is Donderdag gesluit weens ‘n "werkersvergadering", het die metropolisie gesê.
“Toetssentrums en kantore is weens dié vergadering gesluit omdat stasie-amptenare sonder mannekrag sit,” het insp. Edna Mamonyane gesê.
Volgens Mamonyane het dié vergadering Woensdag begin en is die aard daarvan nie bekend gemaak nie.
Sy sê sy kan nie bevestig of dit ‘n protes teen Chris Ngcobo se terugkeer die Johannesburgse metropolisiehoof is nie.
"Ons het geen kennisgewing van ‘n staking ontvang nie,” het sy gesê.
Ngcobo is onlangs deur die Johannesburgse stadsraad van skuld gesuiwer van wangedrag en het sedertdien na sy amp teruggekeer. Dit het die Suid-Afrikaanse Munisipale Werkersunie (Samwu) aangespoor om te staak.
Ngcobo is geskors weens beweerde korrupsie en ongerymdhede, maar het ná die afloop van ‘n ondersoek na sy pos teruggekeer.
- Sapa