Lindley-moord: 'Al ses het saamgesweer'
2011-06-13 21:59
Kaapstad - Die staatsaanklaer in die Lindley-moordverhoor het tot die slotsom gekom dat al ses verdagtes saamgesweer het om die Potgieters te vermoor, het RSG Maandag berig.
Attie Potgieter, sy vrou en tweejarige dogter is in Desember verlede jaar op hul plaas vermoor.
Die aanklaer, Jannie Botha, het sy slotbetoë in die verhoor in die Vrystaatse Hooggeregshof in Bloemfontein gelewer.
Hy sê die beskuldigdes moet ten minste skuldig bevind word aan gewapende roof en moord. Hy sê dit is duidelik dat al ses bereid was om die misdaad te pleeg om die rooftog uit te voer.
- RSG