Limpopo-hoë bedank ná Malema-ondersoek
2013-01-16 09:09
Johannesburg – Ntau Letebele, hoof van paaie en vervoer in Limpopo, wat oor ‘n multimiljoenrand-tender ondersoek word, het uit die departement bedank.
Julius Malema, voormalige leier van die ANC se jeugliga, is na bewering deur dié tender bevoordeel.
The New Age berig Letebele het Maandag sy kennisgewing ingedien.
“Ons kan bevestig dat die hoof van die departement ‘n bedankingsbrief ingedien het en ons het dit nou aanvaar,” het Joshua Kwapa, woordvoerder van die departement, aan die koerant gesê.
Die afdanking kom ná die aankondiging dat ‘n ondersoek na die kontrak van R53 miljoen wat aan On-Point Engineering toegedien is, van stapel gestuur is.
Die openbare beskermer, Thuli Madonsela, het in Oktober verlede jaar bevind dat die toediening van dié tender onwettig was.
Volg Nuus24 op Twitter
- SAPA
