Limpopo-distrik dalk tot rampgebied verklaar

2013-01-23 08:12

Johannesburg – Limpopo het aanbeveel dat die vloedgeteisterde Vhembe-distrik tot 'n rampgebied verklaar word, is Woensdag berig.

Clifford Motsepe, provinsiale minister van samewerkende regering, het dié aanbeveling gemaak nadat verskeie mense die afgelope paar dae gesterf en honderde mense dakloos gelaat is, berig The New Age.

"Die proses om die gebied amptelik tot 'n rampgebied te verklaar kan binnekort gedoen word," het Matodzi Ralushai, woordvoerder van die distriksmunisipaliteit, gesê.

"Mense, insluitend buitelanders, is steeds by versamelpunte in Musina, waar 200 huise meegegee het."

Skadebepaling is steeds aan die gang.

– Volg Nuus24 op Twitter

- SAPA