'Liefdesdriehoek' eis leerling se lewe

2012-09-05 16:15

Durban – ‘n Jaloerse man het na bewering ‘n graad 11-leerling doodgeskiet en sy vrou by hul huis in Amanzimtoti geskiet, het ‘n koerant berig.

Daily News berig die man, wat ‘n onderwyser by ‘n skool aan die suidkus is, het na bewering die skote voor sy kinders afgevuur. Hulle is onderskeidelik vyf en agt jaar oud.

Kapt. Thulani Zwane, polisiewoordvoerder, sê die man is in hegtenis geneem en van moord en poging tot moord aangekla.

“Die man was nog in die huis toe die polisie opgedaag het. Hy het homself oorhandig en erken dat hy albei mense geskiet het.”

“Die vrou is in haar bobene geskiet...” het hy gesê.

‘n Polisiebron beweer ‘n liefdesdriehoek het tot die skietery gelei.

Lees meer hier

Volg Nuus24 op Twitter