Lid van vermeende Cato Manor-moordbende sterf
2013-01-16 14:32
Durban – ‘n Voormalige lid van die Cato Manor- georganiseerde misdaadeenheid, wat een van die lede was wat glo betrokke was in ‘n moordbende, is dood aan ‘n hartaanval, het die Mercury Woensdag berig.
Kapt. Vincent Auerbach (40) is dood nadat hy sy goeie vriend, Bruce McInnes, gebel en van erge borspyn gekla het.
Auerbach is die tweede beampte wat verbind word met die vermeende moordbende, wat in die afgelope drie maande dood is.
Kapt. Neville Eva (45), wat ‘n bakteriële hartinfeksie gehad het, is in November dood.
Sowat 30 beamptes, insluitend die hoof van die Valke in KwaZulu-Natal, genl.maj. Johan Booysen, staan tereg op sowat 100 aanklagte wat verband hou met die vermeende moorde.
– Volg Nuus24 op Twitter
- SAPA
