Leweroorplanting veroorsaak Manto se dood
2009-12-16 17:30
Johannesburg – Die voormalige minister van gesondheid, Manto Tshabalala-Msimang het gesterf, het haar dokter Woensdagmiddag bevestig.
Professor Jeff Wing het net voor 3:00 Woensdagmiddag aan die nuusagentskap Sapa gesê dat Tshabalala-Msimang in die intensiewe waakeenheid van die Wits Donald Gordon Mediese Sentrum in Johannesburg, slegs ’n paar minute gelede oorlede is.
Volgens Wing is haar dood vanweë komplikasies wat verband hou met haar eerste leweroorplanting veroorsaak.
Op 14 Maart 2007 het Tshabalala-Msimang ‘n vyf uur lange leweroorplanting by dié mediese sentrum ondergaan. Sy is in November vanjaar weer hier opgeneem vir opvolg-behandeling vanweë komplikasies met haar eerste leweroorplanting.
- Sapa