Lewenslank vir man wat 95-jarige verkrag
2011-07-19 21:47
Johannesburg – ‘n Man van Mpumalanga wat ‘n 95-jarige vrou verkrag het, is tot lewenslange tronkstraf gevonnis, het die polisie Dinsdag gesê.
Jonas Molokomme (36) is Maandag in die Moretele-landdroshof gevonnis, het sers. Hastings Chaane gesê.
Hy is op 24 April 2010 in hegtenis geneem, ‘n paar ure ná die verkragting in Ponkop naby Hammanskraal.
“Die vrou was alleen in die huis en het geslaap toe Molokomme omstreeks 03:00 die venster gebreek en ingesluip het,” het Chaane gesê.
Volgens hom het Molokomme die vrou gewurg en verkrag voordat hy by die venster uitgespring en gevlug het.
Die bejaarde vrou het haar aanvaller aan haar bure beskryf. Hulle het hom vasgetrek en aan die polisie oorhandig.
- Volg Nuus24 op Twitter
- SAPA