Lewenslank vir kinderverkragter
2012-02-01 19:55
Johannesburg – ‘n Man wat ‘n 10-jarige meisie verkrag het, is Woensdag tot lewenslange tronkstraf gevonnis in die Naphuno-streekhof, het die polisie in Limpopo gesê.
“Die 22-jarige man, Rector Khosa, is daaraan skuldig bevind dat hy ‘n 10-jarige meisie in 2010 in Nwa Jaheni verkrag het,” het lt. kol. Mohale Ramatseba gesê.
Hy het gesê die meisie het haar tweejarige broer by Khosa se huis gaan haal. Sy is toe verkrag.
“Sedert 2010 is Khosa borgtog geweier. Hy het in aanhouding gebly,” het Ramatseba gesê.
- Volg Nuus24 op Twitter
- SAPA