Lenasia-drama: Juju ook in hof

2012-11-23 12:18

Johannesburg – Inwoners van Lenasia het Julius Malema toegejuig toe die geskorste leier van die ANCYL die stad se volgepakte hooggeregshof binnegestap het.

Die inwoners het geskree: “kgale rego emetsi” (ons het ‘n lang tyd vir jou gewag).

Ander het gefluister: “Ons gaan hierdie saak wen... as Julius hier is.”

Hulle het foto’s geneem en vir hom gestaar.

Lenasia-inwoners wag om hul lot te hoor in verband met hul huise wat onwettiglik gebou is. Die saak betrek Gauteng se departement van behuising en Suid-Afrika se Menseregtekommissie.

Die MRK, wat die inwoners verteenwoordig, sal aanvoer dat menseregte geskend is toe die slopings twee weke gelede begin het.

Die departement het aangevoer die huise is op grond wat die staat besit, gebou en op ‘n onwettige wyse verkoop.

Volg Nuus24 op Twitter  

- SAPA