Leerlinge kry berading ná verkragting
2012-01-26 16:32
Johannesburg – ‘n Sewejarige meisie en ‘n seun wat haar na bewering by ‘n skool in Mitchells Plain, Kaapstad, verkrag het, het berading ontvang, het die Wes-Kaapse departement van onderwys gesê.
“Die prioriteit was om te verseker dat die meisie die relevante ondersteuning en berading kry,” het Bronagh Casey, woordvoerder vir die departement, gesê.
“Die departement het ook seker gemaak dat die vermeende oortreder die geskikte berading kry.”
Casey sê die verkragting het Vrydagoggend op 'n skoolterrein plaasgevind. Sy sê die skool is besig om ondersoek in te stel en saam met die polisie te werk.
Die skool se beheerliggaam sal aksie neem sodra interne ondersoeke afgehandel is.
Die polisie kon nie vir kommentaar bereik word nie.
Volg Nuus24 op Twitter
- SAPA