Leerling skenk geboorte by skool

2012-08-03 11:01

Johannesburg – ‘n Graad 11-leerling wat haar swangerskap verberg het, het by die Marburg- sekondêre skool in Port Shepstone, KwaZulu-Natal, geboorte geskenk, het ‘n koerant berig.

The Witness berig die ‘n skolier het die skoolhoof in kennis gestel toe die 17-jarige meisie erge pyn verduur het.

Sihle Mlotshwa, woordvoerder vir die departement van onderwys in KwaZulu-Natal, sê paramedici is gekontak, maar hulle het nie opgedaag nie. ‘n Dokter is toe ontbied.

Die koerant berig die tiener het in die siekeboeg geboorte geskenk.

Mlotshwa sê die onderwysers was nie bewus van haar swangerskap nie.

Volg Nuus24 op Twitter