Leerders wag steeds op uitslae

2013-01-05 07:10

Johannesburg – Heelparty kandidate wat in 2012 die nasionale matriek­eksamen deur private of tuisskoolinstellings geskryf het, wag steeds op hulle volledige uitslae, het die dagblad Beeld berig.

Die koerant het verskeie klagtes van ouers gekry wat woedend hieroor is.

Talle kandidate het byvoorbeeld nog nie hul punte in Engels gekry nie, het Fanie Jacobs, ’n ouer van ’n leerling wat deur die Centurion Christian School eksamen geskryf het, gesê.

By ander sentrums het leerlinge nie punte in wiskunde en rekenaartoepassingstegnologie gekry nie.

Jacobs het gesê die hantering van private kandidate se eksamens was ’n “reuse-gemors," en meen dit "dra by tot depressie en selfmoordneigings as kandidate wat hard gewerk het nie saam met die ander hul uitslae kry nie”.

– Lees hier meer.

– Volg Nuus24 op Twitter.