Lede van vermeende renostersindikaat vasgetrek

2011-12-14 19:01

Nelspruit – Twee mans is Middelburg in Mpumalanga in hegtenis geneem nadat R3 miljoen in gesteelde kontant in hul besit gevind is, het die polisie Woensdag gesê.

Een van die mans is 'n voormalige polisiebeampte.

Lt. kol. Leonard Hlathi het gesê polisiebeamptes was besig met roetine-patrollies in die gebied toe hulle 'n motor Dinsdagoggend op die N4 aftrek.

"Die beamptes het R3 miljoen in die kattebak gevind. Genetiese dieremateriaal is ook in die motor gevind."

Hlathi het gesê die mans kon nie die oorsprong van die geld en die materiaal verklaar nie.

"Ons vermoed hulle is deel van 'n renostersindikaat."

Die mans sal na verwagting binnekort op aanklagte van korrupsie en geldwassery in die Middelburg-landdroshof verskyn.

– Volg Nuus24 op Twitter

- SAPA