Landwye petroltekort voor reuse-styging
2012-01-31 12:04
Kaapstad – Talle Shell-vulstasies, onder andere in Seepunt en Heathfield, staan droog terwyl motoriste na vulstasies stroom om hul tenke voor die prysstyging vol maak, berig Eyewitness News.
Die kleinhandelprys van alle grade petrol styg Woensdag met 34 c.
Shell-vulstasies landwyd ondervind 'n tekort aan sekere grade petrol, terwyl dié met petrol kla oor beperkte voorraad.
Talle Sasol-, BP- en Engen-vulstasies het ook tekorte aangemeld.
Vulstasies maak gereed vir die toeloop van motoriste wat hul tenke voor dié prysverhoging wil vol maak.
Bonang Mogale van Shell SA het gesê hy is besig om uit te vind waar die tekorte is sodat dit aangespreek kan word.
– Lees meer by Eyewitness News
– Volg Nuus24 op Twitter