LUR erken wangebruik van belastinggeld

2013-02-20 16:26

Johannesburg – Mosetsanagape Mokomele-Mothibi, LUR vir sosiale ontwikkeling in die Noordwes, erken dat sy R174 000 van belastingbetalers se geld gebruik het om die ANC se verkiesingskonferensie in Mangaung by te woon.

Business Day berig sy het in ‘n verklaring van die provinsiale wetgewer gesê dat sy die geld gebruik het om vir haar vriende en amptenare te betaal om die kongres by te woon.

Mokomele-Mothibi het bygevoeg dat sy onderneem het om die geld binne ‘n week terug te betaal.

Sy en senior bestuurders van haar departement het intussen voor ‘n komitee verskyn ná bewerings dat sy belastingbetalers se geld gebruik het om die konferensie by te woon.

Hlomane Chauke, voorsitter van die komitee, het gesê haar skulderkenning word waardeer, maar dat die komitee weer bymekaar sal kom.

Chris Hattingh, leier van die DA in die provinsie, sê die saak moet na die polisie se tak vir kommersiële misdade verwys word.

Volg Nuus24 op Twitter    

- SAPA