LUR bekyk omstrede hospitaal
2010-05-18 11:43
Durban – KwaZulu-Natal se LUR van gesondheid, dr. Sbongiseni Dhlomo, sal die Prince Mshiyeni-hospitaal in Umlazi Dinsdag besoek nadat ‘n ontbinde lyk op die hospitaal se gronde gevind is.
Die ontbinde lyk van ‘n 36-jarige vrou is Maandag op die perseel gevind.
“Dhlomo sal besoek aan die hospitaal aflê om inligting te kry rakende die voorval,” het die gesondheidswoordvoerder, Chris Maxon, gesê.
Die hospitaal het vroeër vanjaar ook vir opspraak gesorg toe die lyk van ‘n baba uit die inrigting se lykshuis verdwyn het.
- Sapa
Volg Nuus24 op Twitter.